منتديات المختلف المنتدى الأدبي الأول في الخليج العربي

منتديات المختلف المنتدى الأدبي الأول في الخليج العربي (http://m55f.com/vb/index.php)
-   شعراء المختلف (http://m55f.com/vb/forumdisplay.php?f=9)
-   -   حبك عذاب وترك حبك مصيبه (http://m55f.com/vb/showthread.php?t=19466)

عبدالعزيز الحربي 04-08-2011 02:57 PM

حبك عذاب وترك حبك مصيبه
 
السلام عليكم ورحمة الله وبركاته



أقدم لكم هذه القصيدة آمل أن تحوز على رضاكم وإعجابكم :




[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصاحبي قلبي جروحه عطيبه=وانت السبب ياجارح القلب بسكات
حبّك عذاب وترك حبّك مصيبه=يعني على الوضعين ما من سلامات
أمّا تحفظ القلب والاّ تجيبه=والاّ يقال فلان من صاحبه مات
أخاف تخلفك الليال الرهيبه=مابه على سود الليالي ضمانات
بلاش أعاني معك وادفع ضريبه=يكفي جروح وغربله وامتحانات
الظلم ظلماء والقيامه قريبه=والله على الظالم شديد العقوبات
إذا أنت سامعبي نميمه وغيبه=أهل النمايم هرجهم ماله إثبات
أهل المعاصي والوجيه الكئيبه=بين الحبايب ينشرون الإشاعات
كم فرقوا بين الحبيب وحبيبه=وكم سددوا لقلوب الاخيار طعنات
وياصاحبي منك القطاعه غريبه=وين العهود اللي منوّل وثيقات؟
ماكان عندي فيك شكّه وريبه=حتى بدالي من تعاملك شكّات
وان كان باقي في مشاعرك طيبه=هذي مشاعر واعتبرها إنتقادات
انته جرحت القلب وانته طبيبه=وانت الذي أعطيت ماقلتلك هات
[/poem]

اماسي القمر 04-08-2011 03:12 PM

رد: حبك عذاب وترك حبك مصيبه
 
ابو عمر ..

صح لسسانك اخوي ..


نص طالع من قلب ..

ووصل بكل سهوله !

لاهان بوحك ..

راكــــ*العتيـبـي*ـــــان 04-08-2011 03:20 PM

رد: حبك عذاب وترك حبك مصيبه
 
إذا أنت سامعبـي نميـمه وغيـبه
أهل النمايم هرجهم ماله اثبات


صح لسانك واعتلى شانك يا أبو عمر

نص جميل عسى المولى يحفظك

تحياتي

الماجد العنزي 04-08-2011 03:23 PM

رد: حبك عذاب وترك حبك مصيبه
 
حياك بينا
من زمان متشوق لهكذا نصوص
ترابط القصيده رائع
وتسلسل رائع
بدون مجامله
اعجبتني جدا جدا
صح لسانك وانا اخوك
وتقبل مروري
وتستحق نضيف لك تقييم

بروق الروقي 04-08-2011 03:51 PM

رد: حبك عذاب وترك حبك مصيبه
 
لاتعليق لاتعليق

اخاف اكتب شي مايليق ..!

الجليلهـ 04-08-2011 04:41 PM

رد: حبك عذاب وترك حبك مصيبه
 
وعليكم السلام ورحمة الله وبركاته
حيّاك الله تحيّه متنيّه
أبوعمر
ماشاء الله .. إبداع
امتعتني بهذه القصيده وبإنتظار سقيا جديده
لاهنت ولك أجمل تحيّه .

محمد الحبلاني الحربي 04-08-2011 04:50 PM

رد: حبك عذاب وترك حبك مصيبه
 
الله عليك يابوعمر

وصح الله لسااانك

وبيض الله وجهك

ولاهنت

عبدالرحمن الرشيدي 04-08-2011 05:07 PM

رد: حبك عذاب وترك حبك مصيبه
 
الله يابو عمر ابدااااااااااااااااع
صح كللللللللللللللللللللللللللك

سلطان بن نادر 04-08-2011 08:36 PM

رد: حبك عذاب وترك حبك مصيبه
 
انـــتــه جـــرحــت الــقـــلــب وانــــتــــه طــبــيــبــه
وانـــــت الـــــذي عـطــيــت مـاقـلـتـلــك هــــــات

صح لسااااااانكـ يابوعمر..,

قصيده في قمة الجزاله ..,

تقبل مروري ..,

فرحان الودعاني 04-08-2011 09:13 PM

رد: حبك عذاب وترك حبك مصيبه
 
صح الله لساااااانك ملايين تردفها ملايين

وابيض وجهه يابوعمر

نص جميل وراقي



جميع الأوقات بتوقيت GMT +3. الساعة الآن 05:25 PM.

Powered by vBulletin®
Copyright ©2000 - 2021, Jelsoft Enterprises Ltd
الآراء والكتابات لا تعبر عن رأي إدارة الموقع إنما تعبر عن وجهة نظر كاتبها